Dagaal u dhaxeeyo Al shabaab iyo Ciidanka Jubbaland oo ka socda Duleedka Kismaayo

0
97

Dagaal u dhaxeeya ciidamada Al Shabaab iyo ciidanka Jubbaland, ayaa hadda wuxuu ka socdaa duleedka Magaalada Kismaayo ee xarunta Gobolka Jubbada hoose.

Dagaalkaan ayaa yimid, kadib markii ciidamo Sahan ah oo ka tirsan Jubbaland dagaal ay ku soo qaadeen xoogag ka tirsan Ururka Al Shabaab, wuxuuna dagaalka hadda ka socda deegaanka Wirkooy oo u dhaw deegaanka Buulo Gaduud.

Saraakiil ka tirsan ciidamada Jubbaland ayaa sheegay ciidanka oo ku guda jira sahminta dagaalyahano Shabaab oo laga soo sheegay aagga Buulo gaduud inuu qabsaday dagaalkaan.

Dagaalka oo socda ayaanan la ogeyn khasaaraha labada dhinac halkaasi ku soo kala gaaray, inkastoo ciidamo gurmad ah oo Jubbaland ka tirsan ay ka ambabaxeen Magaalada Kismaayo.

Al Shabaab ayaa inta badan weerarada noocaan oo kale ah u dhiga ciidamada Jubbaland iyo kuwa Amisom ee dhaqdhaqaaqyada Militari ka wada duleedyada Magaalada Kismaayo.

LEAVE A REPLY

Please enter your comment!
Please enter your name here